Jizzax shahrining "Olmazor" mahallasida sodir bo`lgan yo`l-transport hodisasi oqibatida "Cobalt" avtomobili yonib ketdi. Bu haqda IIB JXX YHXB axborot xizmati xabar bermoqda.
Ma`lum qilinishicha, 10 avgust kuni soat 22:00 larda 4R-38 avtomobil yo`lining 19-kilometrida Sharof Rashidov tumanida yashovchi «Nexia» haydovchisi chorrahadan chapga burlib olayotgan «Cobalt»ning orqa tomonidan kelib urgan.
Sodir bo`lgan yo`l-transport hodisasi oqibatida «Cobalt» avtomobilida yong`in kelib chiqqan va mashina to`liq yonib ketgan.
Hodisa oqibatida hech kim tan jarohati olmagan. Hozirda mazkur holat yuzasidan Jizzax shahar IIB hamda Favqulodda vaziyatlar boshqarmasi tomonidan surishtiruv harakatlari olib borilmoqda.
