Ijtimoiy tarmoqlarda "Olmazor tumani Qora qamishda stolba portlab ketganligi aytilmoqda" sarlavhasida video tarqaldi.
Holat yuzasidan Olmazor tumani hokimligi ma`lumot taqdim etdi.
Ma`lum qilinishicha, Olmazor tumanidagi Qora-qamish dahasida joylashgan “A`lo” to`yxonasining qarama-qarshisidagi podstansiyada 110 kVt yuqori kuchlanishli havo liniyasi 27-tayanch ustunida noma`lum sabablarga ko`ra qisqa tutashuv sodir bo`lgan.
"Qisqa tutashuv oqibatida sodir bo`lgan yong`in o`z vaqtida o`chirilib, muammo bartaraf etildi. Hozirgi holatda 27-tayanch ustunida doimiy kuchlanish mavjud", - deyiladi xabarda.
