Ижтимоий тармоқларда "Олмазор тумани Қора қамишда столба портлаб кетганлиги айтилмоқда" сарлавҳасида видео тарқалди.
Ҳолат юзасидан Олмазор тумани ҳокимлиги маълумот тақдим этди.
Маълум қилинишича, Олмазор туманидаги Қора-қамиш даҳасида жойлашган “Аъло” тўйхонасининг қарама-қаршисидаги подстанцияда 110 кВт юқори кучланишли ҳаво линияси 27-таянч устунида номаълум сабабларга кўра қисқа туташув содир бўлган.
"Қисқа туташув оқибатида содир бўлган ёнғин ўз вақтида ўчирилиб, муаммо бартараф этилди. Ҳозирги ҳолатда 27-таянч устунида доимий кучланиш мавжуд", - дейилади хабарда.
