Odam savdosi bilan bog`liq yana bir jinoyat aniqlandi. Bu haqda Toshkent viloyati IIBB Axborot xizmati xabar bermoqda.
Ma`lum qilinishicha, joriy yilning 13 dekabr kuni Toshkent viloyati ichki ishlar bosh boshqarmasi Uyushgan jinoyatchilikka qarshi kurash bo`limi xodimlari tomonidan IIV xodimlari bilan hamkorlikda o`tkazilgan tezkor tadbirda, 1978 y.t. Yuqori Chirchiq tumanida yashovchi (M.U.) shaxs namanganlik 19 va 27 yoshli opa-singilni aldab, ishonchiga kirib, ularni mo`may daromad topishga ishontirib, Toshkent-Hindiston avia yo`nalishi orqali fohishalik bilan shug`ullanishlari uchun yubormoqchi bo`lgan vaqtida Islom Karimov nomidagi Toshkent xalqaro aeroportda qo`lga olindi.
Aniqlanishicha, ushlangan shaxsning shar`iy nikohdagi xotini hozirgi kunda Hindiston davlatida bo`lib, qizlarni kutib olishi va ularni fohishalik qilishlari uchun sharoit yaratishi hamda er-xotin buning ortidan mo`may daromad topishni rejalashtirgan bo`lgan. Hatto qizlarning Hindistonga borish va viza xarajatlarini o`zlari to`lab bergan.
Hozirda mazkur holat yuzasidan ushlangan shaxs va uning xotiniga nisbatan Qibray tumani ichki ishlar boshqarmasi Tergov bo`limi tomonidan O`zbekiston Respublikasi Jinoyat kodeksining 135 moddasi (odam savdosi) 2 qismi bilan jinoyat ishi qo`zg`atilgan.
Shuningdek, jinoyatga aloqador bo`lgan, muqaddam Parkent tumanida yashagan bugungi kunda Hindiston davlatida bo`lib turgan 32 yoshli ayolni ushlash (ekstradisiya qilish) choralari ko`rilmoqda.
Ma`lumot o`rnida qayt etish joizki, viloyat ichki ishlar bosh boshqarmasi tezkor xodimlari tomonidan 2022 yilning o`tgan davri mobaynida 8 ta holatda 15 nafar shaxs qo`lga olingan. Tadbirlar natijasida 12 nafar shaxsning, jumladan, 9 nafar ayolning odam savdosi qurboni bo`lishining oldi olinishiga erishilgan.
18.08.2023, 11:58
Hindiston poytaxtidagi Indira Gandi nomidagi xalqaro aeroportda sakkiz nafar O`zbekiston fuqarosi qo`lga olindi. Bu haqda Hindiston bojxona departamenti xabar qildi.Ma`lum qilinishicha, ular 5,3 kilogramm oltinni...30.11.2022, 21:19
Jinoyat ishlari bo`yicha Mirzo Ulug`bek tuman sudida 100 nafar jabrlanuvchini ishonchiga kirib, qariyb 550 million so`mni talon taroj qilgan 3 nafar sudlanuvchiga oid jinoyat ishi...30.09.2022, 11:54
DXX matbuot xizmati "darakchi.uz"ga odam savdosi bilan shug`ullangan ayollarning jinoyatlari tafsilotlari haqida ma`lumot taqdim etdi. Ma`lum qilinishicha, Toshkent viloyatining O`rtachirchiq tumanida yashovchi, 1999 y.t. “M.R.” (ayol)...22.07.2022, 11:01
Hindistonda bo`lib o`tgan prezidentlik saylovlarida hukmron Bharatiya Janata partiyasi a`zosi, Milliy demokratik alyans nomzodi Draupadi Murmu g`alaba qozondi, deb xabar bermoqda The Indian Express nashriga...