2023 yil 4 yanvar kuni O`zbekiston musulmonlari idorasi Oliy hay`atining kengaytirilgan yig`ilishi bo`lib o`tdi. Bu haqda Idora Matbuot xizmati xabar bermoqda.
Ta`kidlanishicha, yig`ilishda tashkiliy masalalar ko`rilgan. Unga ko`ra, O`zbekiston musulmonlari idorasi raisi o`rinbosari Ibrohimjon domla Inomov boshqa ishga o`tganligi sababli, uning o`rniga Toshkent shahridagi “Novza” jome masjidi imom-xatibi Jaloliddin domla Hamroqulov rais o`rinbosari lavozimiga tayinlandi.
Shuningdek, O`zbekiston musulmonlari idorasida yangi tashkil etilgan raisning Yoshlar ishlari bo`yicha o`rinbosari lavozimiga Toshkent islom instituti rektori vazifasida ishlagan Uyg`un domla G`ofurov tayinlandi.
Ushbu institut rektori lavozimiga esa O`zbekiston xalqaro islom akademiyasi kafedrasi mudiri, doktor, professor, Muhammadsiddiqov Muhammadolim tayinlandi.