Saudiya Arabistonining Jidda shahrida 2023 yilning 23 apreliga qadar davom etadigan birinchi Islom san`ati biennalesining tantanali ochilish marosimi bo`lib o`tdi.
Biennaleda Madaniyat va san`atni rivojlantirish jamg`armasi tomonidan O`zbekistonning boy Islom madaniyatini xalqaro jamoatchilikka keng yoritib beruvchi qadimiy o`lka turmush tarzi va gazlama matolari jilosini o`zida mujassam etgan 17 ta noyob muzey ashyolari taqdim etilmoqda.
Ko`rgazma VIII asrga oid muborak Katta Langar Qur`oni, X-XII asrlarga taalluqli Samarqand va Afrosiyob sopol ko`za va kosalari, mashhur muhaddis al-Buxoriyning XVII asrga mansub «as-Sahih» kitobi nusxasi, Buxorocha erkaklar to`nlari va poyabzallar hamda boshqa buyumlardan iborat.
Islom san`ati biennalesi Diriya biennale jamg`armasi tomonidan Saudiya Arabistoni Madaniyat vazirligi bilan hamkorlikda tashkil etilgan.
