So`ngi yillarda Respublikada ichki iste`molning oshishi, iqtisodiyotning o`sishi, aholi sonining ko`payishi va ko`plab turar joy binolarining qurilishi energiya resurslariga bo`lgan extiyojni ortishiga olib kelmoqda. Bu o`z navbatida Respublikamiz er qaridagi mavjud tabiiy boyliklarni izlab topish, ularni qazib olish va halqqa etkazib berishga qaratilgan geologiya-qidiruv ishlarini jadallashtirishni talab qilmoqda.
Shu sabab “O`zbekneftgaz” AJ Boshqaruvi raisi Mehriddin Abdullaev boshchiligida amalga oshirilayotgan geologiya-qidiruv ishlarini dasturi doirasida 2022 yilda Respublikamiz uglevodorod zaxirasini ko`paytirish, yangi istiqbolli maydonlarni aniqlash va ularni chuqur burg`ilashga tayyorlash borasida samarali ishlar amalga oshirildi.
Ushbu maqsadlarda o`tgan yili Buxoro-Xiva regionida 1839 kv.km xajmda 3D seysmik qidiruv ishlari amalga oshirildi.
Buning natijasida “Sho`rtan” konlari guruhida amalga oshirilgan “Sho`rtan 3D” loyihasi doirasida “Sho`rtan” konining quyi qatlamlari bo`yicha olingan ma`lumotlar o`rganilib, tabiiy gaz istiqbolli resurslari 8 mlrd. kub metrga yaqin bo`lgan “Sho`rtan” terrigen yura pasporti tayyorlandi. Unga asosan loyihaviy chuqurligi qariyb 5000 metr bo`lgan “Sho`rtan” terrigen yura birinchi izlov qudug`ida burg`ilash ishlari amalga oshirilmoqda.
Bundan tashqari 3D seysmik-qidiruv ishlari natijasida tabiiy gaz resurslari 4 mlrd. kub metrdan ko`proq bo`lgan yangi “Karvonguzar” maydoni aniqlanib, chuqur burg`ilashga tayyorlandi. Bugungi kunda ushbu maydonda ham izlov burg`ilash ishlari olib borilmoqda.
Gazli regionidagi mavjud konlarning quyi qatlamlarini o`rganish, yangi istiqbolli maydonlarni aniqlash maqsadida amalga oshirilgan “Uchqir 3D” loyihasi bo`yicha “Uchqir”, “Janubiy Akkum”, “Sharqiy Xatar”, “Harbiy Akkum” konlarining geologik modeli aniqlashtrilib, qo`shimcha izlov-qidiruv va qazib olish quduqlarni burg`ilashga kiritish imkonin yaratmoqda.
Bundan tashqari 3D seysmik-qidiruv ishlari natijasida jami resurslari 5 mlrd kub metr tabiiy gaz resursli “Nortepa” va “Raxmatbobo” maydonlari aniqlanib chuqur burg`ilashga tayyorlandi.
Bugungi kunda “Raxmatbobo” maydonda burg`ilash ishlari boshlangan bo`lib, “Nortepa” maydonida burg`ilashga tayyorgarlik ishlari olib borilmoqda.