Bu haqda Oliy Majlisning Inson huquqlari bo‘yicha vakili (ombudsman) axborot xizmati xabar berdi.
Ma’lum qilinishicha, mazkur xabarlar yuzasidan Ombudsmanning Buxoro viloyatidagi mintaqaviy vakili muassasaga tashrif buyurib, holatni o‘rgangan.
Xususan, murojaatda tilga olingan shaxs bilan holi suhbat o‘tkazilib, uning saqlanish sharoitlari, bildirilgan vajlar hamda tanasida jarohat izlari mavjud yoki mavjud emasligi tekshirilgan.
Qayd etilishicha, holat yuzasidan 4-son tergov hibsxonasining ayrim xodimlariga nisbatan tergovga qadar tekshiruv harakatlari boshlangan. Shuningdek, murojaatda qayd etilgan shaxsga nisbatan sud-tibbiy ekspertiza tayinlangan.
O‘rganish jarayonida to‘plangan hujjatlar va boshqa materiallar Jinoyat-protsessual kodeksi talablariga muvofiq protsessual qaror qabul qilish uchun Buxoro viloyati prokuraturasiga taqdim etilgan.
Ombudsman mazkur holat yuzasidan olib borilayotgan tekshiruv va o‘rganish ishlarini o‘z vakolatlari doirasida nazorat qilib borishini ma’lum qildi.
