AQShda yuz bergan tornadolar oqibatida 26 kishi vafot etdi

Dunyo 26.03.2023, 13:13
AQShda yuz bergan tornadolar oqibatida 26 kishi vafot etdi

AQShning Missisipi shtatida sodir bo`lgan kuchli tornado kamida 25 kishining hayotiga zomin bo`ldi, kuchli shamol tufayli katta zarar ko`rgan Alabama shtatida ham yana bir kishi halok bo`ldi. Bu haqda “Reuters” xabar berdi.

Missisipi shtatining Jekson shahridagi Milliy ob-havo xizmati meteorologining so`zlariga ko`ra, tornado er yuzini taxminan bir soat davomida aylanib o`tgan va taxminan 274 km masofada vayronagarchilik yo`lini yaratib, yuzlab binolarni vayron qilgan. Dovuldan 1700 nafar aholi istiqomat qiluvchi Rolling Fork shahri eng ko`p zarar ko`rgan. Undagi uylar xarobaga aylangan, daraxtlar singan, mashinalar turli tomonga otilmoqda. Shahardagi suv minorasi erga qulab tushgan.

“Biz bilamizki, ko`plab odamlar jarohatlangan. Qidiruv-qutqaruv guruhlari ishini davom ettirmoqda. Biroq yo`qotishlar bu shaharlarda abadiy izini qoldiradi”, deb yozgan Missisipi gubernatori Teyt Rivz Twitter`da.
Shuningdek, u favqulodda holat e`lon qilgani va Prezident Jo Bayden bilan muzokaralar olib borganini ma`lum qilgan. Rivzning so`zlariga ko`ra, Bayden Missisipi hukumatini ularga yordam berilishiga ishontirgan.

Alabama shtatida treylerda yashovchi erkak vafot etdi. Treyler ag`darilgan va shtat rezidenti olgan jarohatlaridan vafot etgan. Bu shtatda 25 mart kuni tornadodan keyin qayd etilgan yagona o`lim bo`lgan.

Sharhlar

Ob-havo: Toshkent
Valyuta kursi
1