Joriy yilning 27 mart kuni soat 11:30 da Toshkent shahar Olmazor tumanida YTH sodir bo`lgan.
Bu haqda IIV Axborot xizmati ma`lum qildi.
Qayd etilishicha, er-xotin piyodalar yo`lning belgilanmagan qismidan kesib o`tmoqchi bo`lgan. Ularga birinchi Damas yo`l bergan, ammo orqada Spark'ni boshqarib kelayotgan 1997 yilda tug`ilgan ayol tormoz berishga ulgurmay, ikki piyodani urib ketgan.
Voqea yuz bergandan so`ng ayol qorin bo`shlig`i, ko`krak qafasi jarohati bilan Toshkent tibbiyot akademiyasiga yotqizilgan. Ammo ko`rsatilgan yordamga qaramay, u shu kuni soat 15:10 da jonlantirish bo`limida vafot etgan.
