Urganch shahrida o`tkazilayotgan Xalq deputatlari Xorazm viloyati Kengashi sessiyasida Prezident ishtirok etmoqda.
Prezident Matbuot kotibining ma`lum qilishicha, sessiyada tashkiliy masala ko`rib chiqildi. Prezident Xorazm viloyati hokimi lavozimiga hokim vazifasini bajarib kelayotgan Rahimov Jo`rabek Rahimovich nomzodini tavsiya etdi.
Nomzod viloyatda aholi bandligini ta`minlash va daromadini oshirish, oziq-ovqat xavfsizligini ta`minlash, sanoatni rivojlantirish, energetika quvvatlarini oshirish, ijtimoiy masalalarni hal etish, mahallada yashash sharoitlarini yaxshilash bo`yicha rejalarini taqdimot qildi.
So`ng Xorazm viloyati hokimini tayinlash masalasi ovozga qo`yildi. Ovozga qo`yish natijalariga ko`ra, Jo`rabek Rahimov viloyat hokimi etib tasdiqlandi.
Ayni paytda sessiyada viloyatni yanada rivojlantirish istiqbollari muhokama qilinmoqda, kelgusi reja va vazifalar belgilab olinmoqda.