Joriy yilning 1 iyunidan boshlab O`zbekistonda bir qancha qarorlarda belgilangan tartiblar kuchga kiradi.
Tug`ilganlik haqida ma`lumotnoma “roddom”da beriladi
Endi tug`ilganlik haqidagi guvohnoma FHDYo bo`limlarida elektron usulda qayd etilib, tibbiyot muassasalarining o`zida beriladi. Bola tug`ilishi bilan tibbiyot muassasasi u va ota-onasi haqidagi ma`lumotlarni maxsus elektron blankaga kiritadi va avtomatik ravishda FHDYo bo`limiga axborot tizimi orqali yuboradi. Shundan so`ng FHDYo bo`limi tug`ilganlikni qayd etib, QR-kod qo`yilgan tug`ilganlik haqidagi ma`lumotnomani tibbiyot muassasasiga jo`natadi. Tibbiyot muassasalari ma`lumotnomani bolaning ota-onasiga taqdim etadi.
Guvohnomani esa fuqarolar istalgan vaqtda murojaatlariga asosan FHDYo bo`limlari tomonidan rasmiylashtirib beriladi.
“To`maris izdoshlari” jamoaviy guruhlari tashkil qilinadi
Yoshi 18 dan kichik va 30 dan katta bo`lmagan, umumiy o`rta yoki o`rta maxsus ma`lumotli, biriktirilgan hududda doimiy yashovchi hamda muloqotga kirishuvchan va tashkilotchilik qobiliyatiga ega xotin-qizlarni ko`ngilli asosda jalb qilish orqali “To`maris izdoshlari” jamoaviy guruhlari faoliyati tashkil etiladi.
Mazkur guruhlarning asosiy vazifalaridan biri o`rta, o`rta maxsus va professional ta`lim muassasalarida o`qiyotgan qizlarning xulq-atvoriga salbiy ta`sir ko`rsatayotgan hamda ularning huquq va manfaatlari buzilishi bilan bog`liq masalalarni aniqlashda ko`maklashish hisoblanadi.
Vafot etgan harbiylar oilalariga qo`shimcha imtiyozlar beriladi
Halok bo`lgan harbiy xizmatchining (xodimning) farzandlari maktabgacha ta`lim muassasalarida bepul tarbiyalanishi, shuningdek, professional va OTMda davlat granti asosida qo`shimcha kvotalar bo`yicha ta`lim olishi ta`minlanadi.
Halok bo`lgan harbiy xizmatchining (xodimning) ota-onalariga yiliga 2 marta temir yo`l va havo transportidan bepul foydalanish huquqi beriladi.
Qishloq xo`jaligi sohasida subsidiya berish axborotlashtiriladi
Qishloq xo`jaligi sohasidagi barcha subsidiyalar “Qishloq xo`jaligi mahsulotlarini etishtiruvchilarga subsidiya berish” axborot tizimi orqali amalga oshiriladi.
“Yashil sertifikatlar” tizimi ishga tushadi
O`zbekistonda mahsulotlarni ishlab chiqarishda ekologiyaga ta`sirni cheklash bo`yicha talablar asosida “yashil sertifikatlar” tizimi joriy etiladi.
Ayrim tartib va cheklovlar bekor qilinadi
Mulkiy huquqlarning ishonchli himoyasini ta`minlash, ushbu huquqlarni cheklayotgan omillarni bartaraf etish, mulkiy munosabatlarga asossiz aralashuvga yo`l qo`ymaslik maqsadida quyidagilar bekor qilinadi:
to`lov xizmatlarini ko`rsatuvchi tashkilotlar jismoniy shaxslar o`rtasida pul o`tkazmalari amalga oshirilganda, ularga ko`rsatilgan xizmatlar uchun elektron hisobvaraq-fakturalar taqdim etish va rasmiylashtirish tartibi;
chakana savdo va xizmat ko`rsatish ob`ektlarining faoliyat ko`rsatish vaqtiga nisbatan cheklovlar.
O`zbekistonda alkogol mahsulotlarining narxi oshadi
Qaror bilan alkogol mahsulotlari (pivodan tashqari) uchun yangilangan eng kam ulgurji-sotish va chakana narxlar belgilanmoqda: