Saneg – 2030 yilgacha neft qazib olishni ko`paytirish bo`yicha davlat dasturi ijrochisi bo`lgan O`zbekistondagi eng yirik vertikal integrasiyalashgan neft-gaz kompaniyalaridan biri. Mazkur kompaniya tomonidan OAV vakillari bilan matbuot uchrashuvi o`tkazildi. Qayd etilishicha, kompaniyaning strategik maqsadi uglevodorod xomashyosini chuqur qayta ishlash va yuqori sifatli neft mahsulotlari ishlab chiqarish bo`yicha mamlakat ishlab chiqarish quvvatlarini kengaytirishdan iborat.
"Raqamlarga murojaat qiladigan bo`lsak, 2023 yilning 6 oyi davomida Farg`ona NQIZ (Neftni qayta ishlash zavodi)da neft xomashyosini qayta ishlash hajmi 650,5 ming tonnani tashkil etib, 2022 yilga nisbatan 61 foizga o`sdi. Bu kompaniyaga 502,7 ming tonna neft mahsulotlari sotish imkonin berdi, bu o`tgan yilga nisbatan 73,3 foizga ko`pdir. Birinchi yarim yillikda O`zbekiston iqtisodiyotining o`sishi uchun etkazib berilgan asosiy mahsulotlar quyidagilar bo`ldi: dizel yoqilg`isi – 208 ming tonnadan ortiq va benzin – 168 ming tonnadan ortiq", - deydi Saneg kompaniyasi ijrochi direktori To`lqin Yusupov.
Toshkent shahri va Toshkent viloyatidagi iste`molchilarni neft mahsulotlari bilan uzluksiz ta`minlash maqsadida kompaniya tomonidan 2023 yil aprel oyida "Toshkent" xalqaro aeroportidagi yoqilg`i quyish majmuasi hududida neft mahsulotlarini saqlash va tarqatish terminali foydalanishga topshirildi. Bugungi kunga qadar terminal orqali 30 ming tonnadan ortiq neft mahsulotlari etkazib berildi, bu esa Toshkent shahrida joylashgan yoqilg`i quyish shoxobchalarining 40 foizdan ortig`ini qoplash imkonini berdi.
Kompaniya biznesning yangi yo`nalishini rivojlantirmoqda va butun O`zbekiston bo`ylab zamonaviy yoqilg`i quyish shoxobchalari qurmoqda. Toshkent viloyatining Bo`stonliq tumanida joylashgan birinchi yoqilg`i quyish shoxobchasini joriy yilning sentyabr oyida foydalanishga topshirish rejalashtirilgan. Ta`kidlanishicha, aholini yoqilg`i bilan uzluksiz va sifatli mahsulot bilan ta`minlash, qish mavsumlaridagi taqchilliklar oldini olish borasida kompaniya tomonidan hozirdan amaliy choralar ko`rilmoqda.
Shuningdek, kompaniya tomonidan joriy yilning birinchi yarim yilligida suyuq uglevodorodlar qazib olish hajmi 305,2 ming tonnani tashkil etib, o`tgan yilning shu davriga nisbatan 10,6 foizga o`sdi. Gaz qazib olish 723,2 million kub metrni tashkil etdi, bu 2022 yilning shu davrdagi ko`rsatkichidan 22,8 foiz ko`p. O`rtacha sutkalik uglevodorod qazib olish hajmi 1648 tonnani tashkil etdi, bu 2022 yilning birinchi yarmidagiga nisbatan 1,7 foizga ko`pdir.
Qashqadaryo viloyatining "Chegara", “Yangi Qoratepa”, “Sharqiy Ispanli” va "Jeynov" konlarida neft va gaz qazib olishni ko`paytirish loyihalari alohida amalga oshirilgan.
“Ushbu natijalar Sanegning to`liq integrasiyalashgan neft-gaz kompaniyasi sifatida O`zbekistonga taqdim etishi mumkin bo`lgan kengaytirilgan imkoniyatlar va samaradorlik darajasini ko`rsatib beradi", - deydi kopaniya ijrochi direktori.
