Jizzaxda Zomin aeroporti foydalanishga topshirildi. Bu haqda Jizzax viloyati hokimligi xabar qilmoqda.
“Prezidentimiz tashabbusi bidan amalga oshayotgan ushbu loyihaning amalga oshirilishi Zomin aholisi daromadining ko`payishiga va yoshlar bandligini ta`minlashga xizmat qiladi. Zero loyiha ortidan mahalliy aholi ishlab, daromad topadigan ko`plab infratuzilmalar, jumladan, umumiy ovqatlanish, transport, suvenirlar, restoranlar, kafelar va boshqa xizmat ko`rsatish turlari rivojlantiriladi”, - deya ta`kidladi viloyat hokimi Ergash Saliev.
“Tres 001” qurilish tashkiloti tomonidan bunyod etilgan Zomin aeroporti 30 o`ringa mo`ljallangan yo`lovchi terminaliga ega bo`lib, qurish uchun 60 gektar er maydoni ajratilgan.
Ob`ektda jami 200 dan ziyod xodimlar va 110 ta texnikalar bilan ishlar olib borilmoqda.
Shuningdek, hozirda aeroport infratuzilmasi, muxandislik kommunikasiyasi, uchish-qo`nish, xarakatlanish yo`laklari va perronni loyihalash hamda qurilish, uchish va qo`nishni ta`minlash bo`yicha radio va aeronavigasiya uskunalarini xarid qilish, o`rnatish va ekspluatasiya qilish ishlari belgilangan reja asosida olib borilmoqda.
Ma`lumot uchun: 2022 yilning oktyabr oyidan boshlab Zominning Dashtobod shaharchasi temir yo`l bekatiga “Afrosiyob” tezyurar poezdi to`xtashi tashkil etilgan edi.
