Yaqinlik yarashishga yordam beradimi?!

SUG'DIYONA 24.10.2016, 16:30
Teglar: Ayol, Erkak, Oila, Er-xotin
Yaqinlik yarashishga yordam beradimi?!

«Er-xotinning urishi doka-ro`molning qurishi», deyishadi xalqimizda. Haqiqatan ham bir uyda yashayotgan, bir ro`zg`or uchun javobgar ikki insonning janjallashib turishi tabiiy. Ammo yarashishchi? Aksariyat erkaklar nizoni yaqinlik orqali hal etishga urinisharkan... Ular qanchalik haq yoki nohaqliklarini esa shifokor-seksopatolog Ramazon NAZAROVning tavsiyalari orqali aniqlaymiz.

 

«Sen bir taraf, men bir taraf...»

– Ayolim bilan urishib qolgan paytimizda haftalab arazlaydi. Yaqinlik haqidaku, so`z bo`lishi mumkin emas. Men esa hammasini bosdi-bosdi bo`lishi uchun u bilan yaqin bo`lishni istayman. Buning nimasi yomon? Qanday qilsam, xotinim buni tushunadi?

S. F, Toshkent shahri

 

YoTOQXONA – JANJALDAN HOLI HUDUD!

Aksariyat hollarda janjaldan keyin yaqinlikni erkak istaydi. Bu yo`l bilan naq uchta muammoni hal qilmoqchi bo`ladi: 1. Unga befarq emasligini ko`rsatish. 2. Qattiq alam qilgan bo`lsa, tajovuz orqali ayolini o`ziga bo`ysindirish. 3. Janjalni izsiz tugatish.

Bu odatda ko`pincha ayolini ruhan tushunmaydigan erkaklarda ro`y beradi. Biroq erkaklarni ayblamang. Chunki nizoli holatdan keyin er-xotin qonida adrenalin darajasi yuqori bo`ladi, shuning uchun ayol erkak ko`z o`ngida yanada jozibali ko`rinadi. Yaqinlik odatdagidan farq qilishi ham rost. Sababi, janjaldan keyin er-xotin bir-biridan uzoqlashadi va bu paytdagi munosabatlar sog`inch xislariga to`lib-toshadi. Lekin ayol-chi? Axir u o`zini tahqirlangandek sezishi mumkin.

 

«U MENI TUShUNMAYDI...»

— Turmush o`rtog`im janjaldan keyin o`zimga kelishimni kutib o`tirmaydi. Yaqinlikka majbur qiladi. Rad etsam, meni tashlab ketishi, to`shakni alohida qilib olishi bilan qo`rqitadi. Majburan aytganini qilaman. Ammo bu men uchun qiynoqdan boshqa narsa emas. Qanday yo`l tutay...

M.U, Farg`ona viloyati

 

MUTAXASSIS NIMA DEYDI?

So`z avvalida erkakka tavsiyamiz: ruhshunoslar bunday paytda juftlikning hech bo`lmasa 2 soatga alohida xonaga chiqishini maslahat berishadi. Yaqinlikka keladigan bo`lsak, buni faqatgina tinchib olgandan va albatta, suhbatlashib ozmi-ko`pmi murosaga kelgach, amalga oshirish kerak. Aks holda ayol kuchli nevroz holatiga tushib qolishi va qayta-qayta eriga noroziligini bildirishi, natijada yana bitta janjal yuzaga kelishi mumkin.

Ayolga ham aytar so`zimiz bor: eringizni yo`qotmoqchi emasmisiz? Aytishib qolganingizdan so`ng yarim soatga tashqariga chiqishini so`rang. O`zingiz esa dush qabul qilib, tinchlaning. Juftingiz hovuridan tushgach, «sizni tushunolmaganimdan yuragim g`ash. Nima qilamiz?» deng. Sizni qiynayotgan gaplarni aytib oling, ammo uni ayblamasdan, sekinlik bilan so`zlang. Eringiz hammasini hal qilaman, dedimi, ishoning! Ayni damda bu eng ma`qul yo`l. Ishonqiramaslik, muammoni ertaga qoldirishi emas, qat`iy ishonch bilan unga yuzlaning. Noziklik bilan unga erkalaning, qisqa suhbat orqali bugungi nizoni unutishga harakat qiling. Yotog`ingiz sehrli taftini noxush janjallar bilan sovutmang.

Barno HOJIMIRZAEVA tayyorladi.   

Sharhlar

O`zbekistonning qaysi hududida oilalar soni ko`p?

26.09.2021, 17:45

O`zbekistonning qaysi hududida oilalar soni ko`p? Davlat statistika qo`mitasi ma`lumot berdi. Unga ko`ra, 2021 yilning 1 yanvar holatiga O`zbekiston Respublikasida jami 8 871 412 ta oila...
Ayolni qotillikka boshlagan rashk: Yangiyo`llik juvon boshqa ayolga uylanmoqchi bo`lgan shar`iy nikohidagi erini o`ldirib qo`ydi...

23.08.2021, 16:08

Qishning qirovli kunlaridan eson-omon chiqib olgan Komiljon ota kenja farzandi Murodni (ism-shariflar o`zgartirilgan) uylash maqsadida to`y tayyorgarliklarini boshlab yubordi. Uzoq izlanishlardan so`ng qiz ham topildi. Biroq unashtiruv...
Ayolning joni qirqta, ammo qismati bittami? Yoxud zo`ravonlik va tazyiq qurbonlari… (video)

01.06.2021, 18:32

So`nggi vaqtlarda ijtimoiy tarmoqlarda xotin-qizlarning tahqirlanishi, ayovsiz kaltaklanish holatlari aks etgan xabar va voqealar haqidagi chiqishlar keskin ortib ketdi. Ammo bu kabi vaziyatlar kechagina sodir...
O`zbekistonda 2030 yilga qadar oila instituti yanada mustahkamlanadi

27.05.2021, 16:56

AOKAda “Mahalla va oila” ilmiy-tadqiqot instituti rahbarlari ishtirokida matbuot anjumani bo`lib o`tdi.Anjumanda  “O`zbekiston Respublikasida oila institutini 2030 yilgacha yanada mustahkamlash konsepsiyasi” mazmun-mohiyati va ahamiyati haqida...
Ob-havo: Toshkent
Valyuta kursi
1