6 ta tuman hokimi faoliyati qat’iy tanqid ostiga olindi

Shavkat Mirziyoyev ayrim tuman hokimlari tadbirkorlar muammosini hal qilish o‘rniga mas'uliyatdan chetlashgani va ajratilgan mablag‘lardan samarali foydalanilmagani uchun 6 nafar hokimning lavozimga loyiqligini qayta ko‘rib chiqish bo‘yicha topshiriq berdi. Yig‘ilishda tadbirkorlik infratuzilmasi uchun ajratilgan mablag‘lar to‘liq o‘zlashtirilmagani, ayrim hududlarda esa loyihalar umuman boshlanmagani keskin tanqid qilindi. Hokimlarga berilgan resurslardan samarali foydalanmaslik, muammolarni respublika darajasiga olib chiqib, o‘zini oqlash holatlari alohida qayd etildi. Shuningdek, tegishli viloyat hokimlariga o‘z hududidagi “aravasini torta olmayotgan” tuman rahbarlari bo‘yicha tezkor xulosa chiqarish va boshqaruv samaradorligini oshirish bo‘yicha aniq choralar ko‘rish topshirildi.