Toshkent shahar IIBBning bergan xabariga ko`ra, O`zbekistonda “Diniy jamoat” tuzib, sheriklari qo`lga tushgach, xorijga qochib ketgan erkak qidirilmoqda.
Salimov Dilmurod Bahromovich 2007 yildan boshlab bir guruh shaxslar bilan O`zbekiston Respublikasida qonunga xilof ravishda jamoat birlashmalari va diniy tashkilotlarni tuzib, ularning faoliyatida faol ishtirok etib kelgan.
2010 yilda jamoat a`zolaridan bir guruhi qo`lga olinganidan so`ng Salimov javobgarlikdan qo`rqib, Rossiya davlatiga qochib ketgan. 2013 yilga kelib, Turkiya orqali Suriya-arab respublikasiga borib, Islom davlati Xalqaro terrorchilik tashkiloti saflariga qo`shilgan.
Salimov Dilmurod Bahromovichga nisbatan O`zbekiston respublikasi jinoyat kodeksining 244-2 moddasi bilan jinoyat ishi qo`zg`atilib, qidiruv e`lon qilingan, deyiladi xabarda.
