1. Chakamug` (repeynoe) va kanakunjut (kastorovoe) yog`i sochlarni o`stiradi.
2. Shaftoli moyi — tanani uqalash hamda tirnoqlarni oziqlantirishda qo`l keladi.
3. Achchiq qalampir damlamasidan sochlarni o`stirishga yordam beradigan niqob tayyorlasa bo`ladi.
4. Mumiyo — teri tortilishi natijasida yuzaga kelgan chiziqlarni ketkaza oladi. Buning uchun mumiyoning 1 dona tabletkasini tana uchun krem yoki oz miqdordagi suvga aralashtirib ishlatish kerak.
5. Lavanda yog`ini kondisioner yoki suvga qo`shib, yuvilgan sochlar chayilsa, boshingiz uzoq vaqt kirlanmaydi.
6. Dengiz tuzi — tirnoq o`sishiga ta`sir qiladigan hamda tanani charchoqdan xalos etadigan hammomlar uchun foydalaniladi.
8. Bug`doy kurtaklarining moyi — quruq terini oziqlantiradi.
9. Jojoba moyi — ko`z atrofidagi hamda mayda ajinlarni kamaytira oladi.
10. Tarkibida salisil va rux moddasi bo`lgan krem — husnbuzar va teridagi yallig`langan yaralarni quritadi.
11. Kapsuladagi A va E vitaminlari — qovoq, lab va tirnoq atrofidagi teri quriqlashganda foydali.
12. Gialuron kislota — labni shishirish, yuzdagi ajinlar va ko`z ostidagi «qopcha»larni ketkazishda kosmetologlarga «sehrli tayoqcha» kabi yordam beradi.
13.Olma sirkasi oyoqdagi sellyulit va kichik tomirlarning yorilishidan yuzaga kelgan «yulduzchalar»ni ketkaza oladi. Har kuni dushdan so`ng oyoqning tizzadan yuqori qismini olma sirkasida namlangan pahmoq sochiqda artiladi. Terida achishish, qizarish va hid kelishi kuzatilmaydi.
14. Choy daraxti yog`i — husnbuzarga qarshi yaxshi vositalardan biri.
15. Borat kislotasi qo`shilgan spirt — quloqdagi yallig`lanishni bartaraf etish bilan birga yuzdagi yaralarni tez ketkizadi.
16. Kosmetik ko`k tuproq — tana va terini yoshartirishda uchun eng ma`qbul vosita sanaladi.
17. Gomeopatik kalendula mazi — tovondagi teri yorilishini tezda davolaydi.
18. Muz bo`lakchalari — tanadagi ko`karish, jarohatlarning o`rnini ketkazish hamda yuz terisini namlantirib, taranglashtirishda unumli foydalaniladi.
19. Oddiy yong`oqning kosmetik yog`i — ko`z ostidagi ko`karish va mayda ajinlarga qarshi ajoyib vosita.
20. Gliserin — qo`l terisini yumshatish uchun 1 oshqoshiq gliserin va 6 foiz istalgan sirkadan krem tayyorlanadi. Gliserinning o`zi tovonning dag`allashgan terisiga yaxshi davo bo`la oladi.
21. Bodom yog`ini teri tortilishi yuz bermasligi uchun tananing son, qorin va ko`krak qismlariga surtib turish tavsiya etiladi.
22. Zaytun moyi — kiprik va qosh to`kilishidan asraydi, buning uchun uyqu oldidan tozalangan qosh va kiprikka yupqa qilib surtiladi.
23. Qahva — yuz uchun pilling qilishda tengsiz vosita, buning uchun 1 oshqoshiq qahvaga ozgina yuz kremidan qo`shiladi. Tayyor niqobni yuzga surtib, ishqalab, so`ng iliq suvda yuviladi.
24. Asal — ajoyib, bezarar uyqudori sanaladi. 1 oshqoshiq asalni 1 stakan iliq suvga aralashtirib, kechqurun uyqu oldidan ichiladi.
25. Limon sharbati — sochni jilokor qila oladi. Buning uchun 1 litr suvga bitta limon sharbati qo`shib, soch chayiladi.
DILNOZA tayyorladi.
