Qoraqalpog`iston Juqorg`i Kengesi raisi Amanbay Orinbaev UNESCOning O`zbekistondagi doimiy vakili Sara Noshadi bilan uchrashdi.
Uchrashuvda madaniy meros obektlariga e`tiborni yanada kuchaytirish, ularni himoya qilish va saqlash, bir necha asrlik milliy madaniyatimizning ajoyib durdonalarini asrab avaylash bo`yicha fikr almashildi. Shuningdek, ularni UNESCO ro`yxatiga kiritish, ilm-fan, madaniyat yo`nalishida hamkorlikni yo`lga qo`yishni kengaytirish masalalari muhokama etildi.
Uchrashuvda Qoraqalpoq milliy cholg`u asbobi – Qo`bizni UNESCO ro`yxatiga kiritish ishlarini jadallashtirish bo`yicha kelishib olindi.
