O`zbekistonda uyushtirilgan "Ipak yo`li durdonasi" XV Toshkent xalqaro kinofestivali doirasida, tadbirning maxsus mehmoni – Turkiya Respublikasiga asos solinishining 100 - yilligiga bag`ishlangan "Madaniyat kechasi" va "Turk kinosi kunlari"ning ochilish marosimi bo`lib o`tdi.
Unda, Xalqaro Turk madaniyati tashkiloti (TURKSOY) Bosh kotibi Sulton Raev, O`zbekiston Madaniyat vaziri Ozodbek Nazarbekov, Madaniyat va turizm vaziri o`rinbosari Batuhan Mumju, Turkiyaning Toshkentdagi elchisi Olgan Bekar hamda Turkiyadan kelgan san`atkor va mehmonlar ishtirok etdi.
Ochilishda so`zga chiqqan Ozodbek Nazarbekov, festival faqatgina dunyoga mashhur kino san`atkorlarini birlashtiribgina qolmay, ayni vaqtda o`zaro tajriba va uni almashishda ham muhim ahamiyat kasb etishini ta`kidladi.
Festival, kino san`ati tarixida yorqin sahifa bo`lib qolishiga ishonchi komil ekanligini ta`kidlagan Nazarbekov, O`zbekiston kino san`atining 115 yillik tarixga ega ekaniga alohida e`tibor qaratdi.
Nazarbekov, madaniyat va san`at ahlini qo`llab-quvvatlagani tufayli Turkiya Madaniyat va turizm vazirligini O`zbekistoning «Madaniyat va san`at fidokori» medali bilan taqdirlash istagida ekanliklarini bildirib, mukofotni Batuhan Mumjuga topshirdi.Madaniyat va turizm vaziri o`rinbosari Mumju esa, ikki davlat o`rtasida prezidentlik darajasida mustahkam aloqalar mavjudligiga e`tibor qaratib, shu doirada madaniyat sohasidagi hamkorlik tobora ortib borayotganini ta`kidladi.TURKSOY Bosh kotibi Raev Turk dunyosi kinosiga hissa qo`shgan, hayotini kinoga bag`ishlagan va uning rivoji uchun mehnat qilgan kino san`atkorlariga TURKSOYning «Faxriy» ordenini taqdim etdi.
Mazkur ordenga ozarbayjonlik Elchin Guliev, qirg`izistonlik Artikpay Suyundukov, qozog`istonlik Tungishbay Jamankulov, turkmanistonlik Maya Aymedova, o`zbekistonlik Gulchehra Jamilova, turk kino san`atkori va rejissyor Semih Kaplano`g`lu sazovor deb topildilar.
