O`zbekiston Transport vazirligida Osiyo taraqqiyot banki vakillari bilan muzokaralar bo`lib o`tdi, deb xabar bermoqda "Dunyo" AA.
Uchrashuvda Yashil iqlim fondining "Elektromobillik dasturi"ni moliyalashtirish bilan bog`liq masalalar muhokama qilingan.
O`zbekistonda amalga oshirilishi rejalashtirilgan mazkur dasturni moliyalashtirish bo`yicha taklif etilayotgan mablag` 170 million AQSh dollarini tashkil etadi.
Tijorat elektromobillarini ommalashtirishdagi to`siqlarni bartaraf etishga qaratilgan ushbu dastur, elektrobuslar parkini va yordamchi infratuzilmani joylashtirish, jamoat transporti tizimini yaxshilash hamda uning barqarorligini ta`minlashni nazarda tutadi. Shuningdek, elektromobillarni rivojlantirishga qaratilgan davlat siyosatini qo`llab-quvvatlashni ko`zda tutuvchi 4 ta yo`nalishni o`z ichiga oladi.