Qo`shma Shtatlarda Rojdestvo mavsumi favqulodda vaziyat bilan boshlanadi. An`anaga ko`ra AQSh prezidenti tomonidan chiroqlari yoqiladigan bayramning bosh archasi marosimdan ikki kun oldin qulab tushdi.
Prezident bog`ida joylashgan 40 futlik Norvegiya archasi seshanba kuni kuchli shamolda qulab tushdi, dedi Milliy bog` xizmati matbuot kotibi Yasmin Shanti.
Archa besh soatcha erda yotgan, erda yonboshlab yotgan bayram archasi suratlari ommaviy axborot vositalarida tarqaldi.
Keyin ishchilar jamoasi etib kelib, uni to`g`irlashgan.
AQSh prezidenti Jo Bayden 30 noyabr kuni archa chiroqlarini yoqish marosimini o`tkazishi kerak edi, unga hurmatli mehmonlar taklif qilingan.
Endi prezident va mehmonlarning daraxt yonida bo`lishlari qanchalik xavfsiz bo`lishi haqida savollar qolmoqda.
100 yillik an`ana
Oq uy parkidagi Rojdestvo archasini bezash va yoritish an`anasi 2023 yilda 100 yoshga to`ladi. Marosim birinchi marta 1923 yil 24 dekabrda Prezident Kalvin Kulidj tomonidan amalga oshirilgan. O`sha oqshom bir necha ming kishi Rojdestvo qo`shiqlarini kuylagan.
1924 yilda Kulidj o`zining chiqishlaridan birida bayram tantanalari uchun archa daraxtlarini kesish an`anasini tanqid qilgan . Shundan so`ng Oq uy parkiga maxsus ekilgan archa daraxtini bezala boshlangan.
