Қўшма Штатларда Рождество мавсуми фавқулодда вазият билан бошланади. Анъанага кўра АҚШ президенти томонидан чироқлари ёқиладиган байрамнинг бош арчаси маросимдан икки кун олдин қулаб тушди.
Президент боғида жойлашган 40 футлик Норвегия арчаси сешанба куни кучли шамолда қулаб тушди, деди Миллий боғ хизмати матбуот котиби Ясмин Шанти.
Арча беш соатча ерда ётган, ерда ёнбошлаб ётган байрам арчаси суратлари оммавий ахборот воситаларида тарқалди.
Кейин ишчилар жамоаси етиб келиб, уни тўғирлашган.
АҚШ президенти Жо Байден 30 ноябрь куни арча чироқларини ёқиш маросимини ўтказиши керак эди, унга ҳурматли меҳмонлар таклиф қилинган.
Энди президент ва меҳмонларнинг дарахт ёнида бўлишлари қанчалик хавфсиз бўлиши ҳақида саволлар қолмоқда.
100 йиллик анъана
Оқ уй паркидаги Рождество арчасини безаш ва ёритиш анъанаси 2023 йилда 100 ёшга тўлади. Маросим биринчи марта 1923 йил 24 декабрда Президент Калвин Кулидж томонидан амалга оширилган. Ўша оқшом бир неча минг киши Рождество қўшиқларини куйлаган.
1924 йилда Кулидж ўзининг чиқишларидан бирида байрам тантаналари учун арча дарахтларини кесиш анъанасини танқид қилган . Шундан сўнг Оқ уй паркига махсус экилган арча дарахти безала бошланган.
