Shavkat Mirziyoev Dubayda Hindiston bosh vaziri va BMT Bosh kotibining o`rinbosari bilan ham uchrashuv o`tkazdi

Siyosat 02.12.2023, 07:02
Shavkat Mirziyoev Dubayda Hindiston bosh vaziri va BMT Bosh kotibining o`rinbosari bilan ham uchrashuv o`tkazdi

O`zbekiston Respublikasi Prezidenti Shavkat Mirziyoev 1 dekabr kuni Dubay shahriga amaliy tashrif doirasida Hindiston Respublikasi Bosh vaziri Narendra Modi bilan uchrashdi. Bu haqda Prezident matbuot xizmati xabar qilmoqda

Ikki mamlakat o`rtasidagi ko`p qirrali va o`zaro manfaatli hamkorlikni yanada rivojlantirish masalalari ko`rib chiqildi.

Kommunikasion texnologiyalar, farmasevtika, fan va ta`lim, sog`liqni saqlash, an`anaviy tibbiyot va yoga sohalarida hamkorlikni chuqurlashtirish va qo`shma dasturlarni amalga oshirishga alohida e`tibor qaratildi.

Shuningdek, O`zbekiston Respublikasi Prezidenti Shavkat Mirziyoev 1 dekabr kuni Iqlim o`zgarishi bo`yicha sammit doirasida BMT Bosh kotibining o`rinbosari, Cho`llanishga qarshi kurash konvensiyasi ijrochi kotibi Ibrohim Tiav bilan uchrashuv o`tkazdi.

O`tgan oyda Samarqand shahrida dunyoning 130 dan ortiq mamlakatlari delegasiyalari hamda nufuzli xalqaro tashkilotlar rahbarlari ishtirokida o`tkazilgan BMTning Cho`llanish bo`yicha konvensiyasini amalga oshirish qo`mitasining 21-sessiyasi sermahsul bo`lgani katta mamnuniyat bilan qayd etildi.

2024 yilda Saudiya Arabistonida bo`lajak konferensiya davomida Chang va qum bo`ronlari bo`yicha Samarqand deklarasiyasini qabul qilish masalasini birgalikda ilgari surish muhimligi ta`kidlandi.

Toshkent shahridagi Markaziy Osiyo iqlim o`zgarishi universiteti negizida ilmiy hamkorlik va tadqiqotlar o`tkazish imkoniyatlari ko`rib chiqildi.

Sharhlar

Ob-havo: Toshkent
Valyuta kursi
1