Avvalroq, Instagramda faoliyat olib boruvchi bloger sevgan yigiti bilan tortishayotgan qizni mush urib yiqitgani aks etgan videosi keng tarqalib, muhokamalarga sabab bo`ldi.
Farg`ona viloyati IIB xabariga ko`ra, u mazkur video sabab javobgarlikka tortilgan.
Qayd etilishicha, mazkur video tazyiqni, zo`ravonlikni yoki shafqatsizlikni targ`ib qiluvchi sahnalarni targ`ib qiluvchi mahsulot deb topilgan. Holat yuzasidan IIB tomonidan tegishli hujjatlar rasmiylashtirilib, sudga taqdim qilingan.
“Instagram sahifamga bir video joylagan edim. Bu video javobgarlikka tortilisha asos bo`lar ekan. Qilgan ishimdan pushaymonman. Qolganlarga ham bu ishni qilmaslikni maslahat beraman”, – deydi bloger.
Mazkur shaxs MJtKning 189 prim 1-moddasi bilan aybli deb topilgan va shu moddaga asosan javobgarlikka tortilgan.
Unga ko`ra, tazyiqni, zo`ravonlikni yoki shafqasizlikni targ`ib qiluvchi mahsulotni tarqatish, reklama qilish, namoyish etish maqsadida tayyorlash yoki O`zbekiston Respublikasi hududiga olib kirish, uni reklama qilish, namoyish etish, tarqatish, shu jumladan ommaviy axborot vositalarida, telekommunikasiya tarmoqlarida yoki Internet jahon axborot tarmog`ida reklama qilish, namoyish etish, tarqatish, tazyiqni, zo`ravonlikni yoki shafqasizlikni targ`ib qiluvchi mahsulotni, shu jumladan uni tayyorlash, tarqatish, reklama qilish va namoyish etish vositalarini musodara qilib, fuqarolarga bazaviy hisoblash miqdorining ellik baravaridan to`rt yuz baravarigacha, mansabdor shaxslarga esa – yuz baravaridan to`rt yuz ellik baravarigacha miqdorda jarima solishga sabab bo`ladi.
