Uzbekistan Airways Germaniyada boshlangan ish tashlash sabab O`zbekistondan yo`lga qo`yilgan bir nechta aviareyslarni bekor qilishga majbur bo`ldi

Frankfurt-na-Mayne xalqaro aeroporti faoliyatini cheklaydigan, Germaniyaning bir qator shaharlarida kasaba uyushmalarining ish tashlashlari munosabati bilan, Uzbekistan Airways faqat 1 fevral kuni amalga oshirilishi rejalashtirilgan HY231/232 TAS-FRA-TAS aviaqatnovlarini bekor qilishga majbur bo`ldi, deya xabar bermoqda Uzbekistan Airways axborot xizmati. 

Ma`lum qilinishicha, bekor qilingan aviaqatnov yo`lovchilariga aviakompaniyaning 2024 yil 5 fevral kuni bajarilishi rejalashtirilgan aviaqatnovi uchun aviachiptani qayta bron qilish taklif etilmoqda.

Batafsil ma`lumot olish uchun Uzbekistan Airways Aloqa markaziga bog`lanishlari yoki aviakompaniyaning Frankfurt-na-Mayne shahridagi vakolatxonasiga murojaat qilishlari so`ralmoqda.