Avvalroq, ijtimoiy tarmoqda Qashqadaryo viloyati Qarshi shahar sudining yopiq sud majlisida 3 nafar bloger — Nargiza Keldiyorova, Dildora Hakimova va “Inson huquqlari” mustaqil tashkiloti a`zosi, “Himoyachi blogerlar” MChJ rahbari Shukurulla Parpievni qamoqqa olishga sanksiya berilgani, ularga JKning tovlamachilik moddasi bilan jinoyat ishi qo`zg`atildi. Bu haqda Qashqadaryo viloyat sudi xabar berdi.
Qayd etilishicha, ular bir nechta fuqarolardan tovlamachilik yo`li bilan pul undirgan.
Xabarga ko`ra, Nargiza Keldiyorova fermer bo`lib ishlagan. U fermer huquqlarini himoya qilib, o`zining ta`biricha Koson tumani hokimining noqonuniy harakatlarini yoritib kelgan. Dildora Hakimova esa Koson tumani MIBing noqonuniy harakatlari yuzasidan prezidentga bir necha bor murojaat qilgan.
Qashqadaryo viloyati sudi Matbuot xizmati xabariga ko`ra, mazkur blogerlarga nisbatan haqiqatda JKning 165-moddasi (tovlamachilik) 3-qismi “v” bandi bilan jinoyat ishi qo`zg`atilgan.
Sudning 2024 yil 28 fevraldagi ajrimi bilan blogerlarga nisbatan “qamoqqa olish” tarzidagi ehtiyot chorasi qo`llanilib, qamoqqa olinishi va tergov hibsxonasiga joylashtirilishi belgilangan.
