Toshkent viloyati "Farxod" chegara bojxona postida huquqni muhofaza qiluvchi organ xodimlari tomonidan o`tkazilgan tezkor tadbirda naqd xorijiy valyutani yashirincha olib chiqilishi to`xtatib qolingan. Bu haqda Toshkent viloyati bojxona boshqarmasi Matbuot xizmati xabar berdi.
Aniqlanishicha, qo`shni davlatga o`tish uchun "Farxod" chegara bojxona postiga kirib kelgan fuqaroning sumkasi tekshirilganida, sharbat qutisiga yashirilgan, yo`lovchi bojxona deklarasiyasida ko`rsatilmagan 3 mln Rossiya rubli borligi aniqlangan.
Hozirda ushbu holat yuzasidan surishtiruv harakatlari olib borilmoqda.