1

Yigit sevishini aytganidan so`ng qizning akasi bolani uyiga olib kirib urgan, sochi va qoshini qaychi bilan qirqqan

Jamiyat 20.05.2024, 11:50
Yigit sevishini aytganidan so`ng qizning akasi bolani uyiga olib kirib urgan, sochi va qoshini qaychi bilan qirqqan

Ijtimoiy tarmoqlarda "Maktab bolasi samosud qilindi" sarlavhasi ostida xabar tarqaldi. Bolalar ombudsmani mazkur holatni o`rganib, o`z kuzatuviga oldi.

Dastlabki ma`lumotlarga ko`ra, joriy yilning 16 may kuni Pastdarg`om tumani IIB ga 2009 yilda tug`ilgan B.S. (o`g`il bola) tan jarohati olganligi to`g`risida uning onasi J.I. dan ariza kelib tushgan.

Tergovga qadar tekshiruv davomida aniqlanishicha, voyaga etmagan B.S. 20-maktabning 9-sinfida ta`lim olishi, u shu maktabning 6-sinf o`quvchisi Q.A. (qiz) ga sevishini aytganligi, so`ng Q.A. ning akasi, A.Q. holatdan xabar topib, 15 may kuni B.S. ni o`z uyining ichki tomoniga olib kirib, unga tan jarohati etkazgan. Shuningdek, A.Q. go`yoki uning ta`zirini berish maqsadida B.S. ning sochi va qoshini qaychi bilan qirqib, uyidan chiqarib yuborgan.

Mazkur voqea yuzasidan 19 may kuni Pastdarg`om tumani IIB TB tomonidan JKning 105-moddasi 1-qismi (Qasddan badanga o`rtacha og`ir shikast etkazish) bilan jinoyat ishi qo`zg`atilgan❗️

Tergov davomida voyaga etmagan B.S. ga nisbatan sodir etilgan boshqa g`ayriqonuniy harakatlarga huquqiy baho berilmoqda.

Bu borada qo`shimcha axborot beriladi.

Sharhlar

Ob-havo: Toshkent
Valyuta kursi
1