Uzbekistan Airways tomonidan "Haj-2024" mavsumiga 124 ta charter yo`lovchi parvozlari amalga oshirilishi rejalashtirilgan
Bu haqda AOKAda o`tkazilgan brifingda “Uzbekistan Airways” AJ axborot xizmati rahbari Dilorom Kaimbaeva ma`lum qildi.
Uzbekistan Airways"ning “Haj-2024” dasturi doirasidagi barcha aviaqatnovlari Boeing 767 havo kemalarida amalga oshiriladi.
Ta`kidlash joizki, respublika aeroportlarida ro`yxatdan o`tish vaqtida yo`lovchilar issiq nonushta bilan ta`minlanadi.
Parvoz davomida esa O`zbekiston Musulmonlari idorasi talablarini inobatga olgan holda tayyorlangan maxsus taomlar tarqatiladi.
Bundan tashqari, Uzbekistan Airways Sales filiali tomonidan O`zbekistondan Saudiya Arabistoniga ziyoratchilarni olib borish davrida kassirlarning kechayu kunduz ishlashi tashkil etilgan.
