Qashqadaryo viloyati IIBning ma`lum qilishicha, Joriy yil 10 iyun kuni Shahrisabz tumanidagi “Hisorak” suv ombori haqida internet ijtimoiy tarmog`ida ba`zi fuqarolar yolg`on axborot tarqatib, odamlarning tinchini buzib, fuqarolarning huquqlari va qonun bilan qo`riqlanadigan manfaatlariga zarar etkazilishiga sababchi bo`lgan.
Mazkur holat bo`yicha Shahrisabz tumanida yashovchi D.U., N.A. va boshqalarga nisbatan O`zbekiston Respublikasi Jinoyat kodeksining 244 prim 6-moddasi 3-qismi “b” bandi bilan jinoyat ishi qo`zg`atilib, tergov harakatlari olib borilmoqda.
- Internet ijtimoiy tarmog`ida tarqalgan soxta yolg`on xabarlarga ishonmasliklarini va rasmiy ijtimomiy tarmoqlarda mas`ullar tomonidan berilgan ma`lumotlarga e`tibor qaratishlarini so`rab qolamiz.
Qonunni bilmaslik jazodan ozod etmaydi, - deyiladi xabarda.
