AsosiyJamiyat
895

Toshkent aeroportida yangi fudkort maydoni kimoshdi savdosiga qo`yildi

'Toshkent aeroportida yangi fudkort maydoni kimoshdi savdosiga qo`yildi'ning rasmi

"Uzbekistan Airports" boshqaruv kompaniyasi E-auksion.uz elektron platformasida Toshkent xalqaro aeroportining uchish terminalining 2024 yilning iyul oyi oxirigacha foydalanishga topshiriladigan yangi qismida — "steril" zonada joylar ijarasi uchun uchta yangi lotni joylashtirdi. Bu haqda kompaniya matbuot xizmati xabar qildi.

Ta`kidlanishicha, rekonstruksiya ishlari doirasida uchib ketish zalining chap tomonida qurilish-montaj ishlari yakunlanmoqda. Umumiy maydoni qariyb 3000 kvadrat metr bo`lgan yangi kutish zalida yo`lovchilar uchun kutish maydoni, aviasiya xavfsizligiga tekshirish zonasi va keng ovqatlanish maydoni joylashadi.

Umumiy maydoni 600 kvadrat metrdan ortiq bo`lgan maydonda turli toifadagi uchta umumiy ovqatlanish shoxobchasi — Evropa taomlari restorani (156 kvadrat metr), milliy taomlar restorani (173 kvadrat metr) va fast fud (290 kvadrat metr) joylashadi.

Kim oshdi savdosida ishtirok etuvchi kompaniyalar texnik topshiriqlarga to`liq rioya qilishlari kerak. Ijarachilarga qo`yiladigan talablar va boshlang`ich narxlar E-auksion veb-saytida barcha lotlar ostida mavjud. Kim oshdi savdosi qoidalariga ko`ra, dastlabki yillik summalar savdo paytida kamida 10 foizga oshishi mumkin.

    Bizni ijtimoiy tarmoqlarda kuzatib boring

    Boshqa yangiliklar