Toshkentda Matiz haydovchisi elektroskuterni urib yubordi. Bu haqda Toshkent shahar YHXB Axborot xizmati Mirobod tumanida sodir bo`lgan YTH bo`yicha ma`lumot berdi.
Joriy yilning 1 iyul kuni soat 23:30 larda Mirobod tumani Farg`ona yo`li ko`chasida haydovchi 2002 yilda tug`ilgan J.P. Matiz’da 1999 yilda tug`ilgan A.X. boshqaruvidagi elektroskuter bilan to`qnashuv sodir etgan. YTH oqibatida skuter haydovchisi tan jarohat olgan.
Holat yuzasidan Toshkent shahar IIBB YHXB mas`ul xodimlari tomonidan surishtiruv harakatlari olib borilmoqda.
