Bugun, 16 sentyabr kuni soat 08:00 atrofida Mirzo Ulug‘bek tumani Yangi O‘zbekiston ko‘chasida yo‘l-transport hodisasi yuz bergan. Bu haqda Toshkent shahar IIBB YHXB Axborot xizmati rasmiy xabar berdi.
Ma’lum qilinishicha, haydovchi D.A. Cobalt rusumli avtomashinasini boshqarib kelayotgan vaqtida rul boshqaruvini yo‘qotib, yo‘l chetidagi temir to‘siqqa urilib, aylanib ketgan. Oqibatda o‘zi bilan bir yo‘nalishda harakatlanib kelayotgan A.D. boshqaruvidagi Cobalt avtomashinasiga urilgan.
Mazkur YTH natijasida Cobalt haydovchisi tan jarohati olgan.
Hozirda holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.
