Joriy yilning 3 oktyabr kuni soat 13:30 larda Mirzo Ulug‘bek tumani Temur Malik-Bog‘ishamol ko‘chalari chorrahasida haydovchi 1985 yilda tug‘ilgan A.R. Yutong rusumli transport vositasi va haydovchi 1973 yilda tug‘ilgan A.S. boshqaruvida bo‘lgan Kamaz rusumli yuk transport vositalari to‘qnashishi oqibatida yo‘l transport hodisasi sodir bo‘lgan. Bu haqda IIBB YHXYU xabar qildi.
YTH natijasida tan jarohat olganlar haqida xabar kelib tushmagan.
Mazkur holat yuzasidan Toshkent shahar IIBB YHXB ma’sul xodimlari tomonidan surishtiruv ishlari olib borilmoqda.
"Barcha yo‘l harakati qatnashchilaridan qoidalarga rioya qilishlarini tezlikni belgilangan me’yorlardan oshirmasliklarini so‘raymiz", - deyiladi xabarda.