Ijtiomiy tarmoqlarda Shayxontohur tumani “Tashkent city” hududidagi ko‘p qavatli uyda sodir bo‘lgan yong‘in aks etgan videolar tarqaldi.
Toshkent shahar FVBga ko‘ra, yong‘in soat 19:49 da “Tashkent city” hududida joylashgan, 9 qavatli uyning tom qismida sodir bo‘lgan.
Yong‘in-qutqaruv texnikalari manzilga soat 19:53 da yetib borib, yong‘in soat 20:03 da qurshab olinib, soat 20:05 o‘chirilgan.
Yong‘in oqibatida halok bo‘lgan va jabrlanganlar yo‘q.
Hozirda yong‘in sababi va keltirilgan moddiy zarar aniqlanmoqda.
