Rossiya ko‘chmas mulk bozorida ishlovchi «Flip» investitsion kompaniyasining bosh direktori Yevgeniy Shavnevning “Izvestiya” gazetasiga ma’lum qimilishicha, 2024 yil sentyabr oyidan boshlab xorijliklarning Rossiyadagi uy-joylar sotib olish ko‘lami oshgan.
Chet el fuqarolari, asosan, Moskva va Sankt-Peterburgda hashamatli uy-joylar xarid qilgan. Jami savdoning 20% norezidentlar hisobiga to‘g‘ri kelmoqda.
Rossiyada hashamatli uy-joy sotib olish bo‘yicha o‘zbekistonliklar top uchlikka kirgan. 2024 yilda norezidentlar xarid qilgan hashamatli uy-joylarning 15 foizi O‘zbekiston fuqarolariga to‘g‘ri keldi.
Birinchi o‘rinda belaruslar (21%), ikkinchi o‘rinda qozog‘istonliklar (18%) turibdi. Keyingi o‘rinlari Tojikiston va (10%) va Turkmaniston fuqarolari (10%) egallagan.
E’tiborli jihati, xorijlik xaridorlar ko‘chmas mulkni odatda biznes yoki komfort plyus darajasidagi uy-joy majmualaridan, naqd pulga sotib olishmoqda.
Abdulloh Sayyid
