O‘zbekiston Respublikasi Prezidenti Shavkat Mirziyoyev raisligida 3-4 aprel kunlari Samarqand shahrida "Markaziy Osiyo - Yevropa Ittifoqi" birinchi sammiti bo‘lib o‘tadi.
Bugun, 2 aprel kuni Yevropa komissiyasi Prezidenti Ursula fon der Lyayen mazkur sammitda ishtirok etish uchun mamlakatimizga tashrif buyurdi. Bu haqida Bosh vazir matbuot kotibi xabar berdi.
Yuqori martabali mehmonni Samarqand xalqaro aeroportida O‘zbekiston Bosh vaziri Abdulla Aripov va boshqa rasmiylar kutib oldi.
Qisqa suhbatdan so‘ng, Yevropa komissiyasi Prezidenti o‘zi uchun ajratilgan qarorgohga jo‘nab ketdi.
