Taniqli shou-biznes jurnalisti va bloger Jasur Hamroyev 5 aprel kuni 42 yoshida vafot etdi. Tarmoqlarda tarqalgan ma’lumotlarga ko‘ra, jurnalistning vafotiga buyrak yetishmovchiligi sabab bo‘lgan.
Jasur Hamroyev o‘z faoliyatini "Darakchi" gazetasida boshlagan, keyinchalik shou-biznesga ixtisoslashgan shov-shuv.uz saytini yaratgan va bosh muharrir sifatida ishlagan. 2024 yilda esa The Addresses jurnalini ochgan.
U "Adolat" partiyasi Toshkent shahar Yakkasaroy tumani kengashi raisi sifatida ham faoliyat yuritgan. Hamroyevning YouTube va Instagram sahifalarida jami 900 mingdan ortiq obunachi bor edi.
Dafn marosimi 6 Aprel kuni Buxoroda bo‘lib o‘tadi. Marhumning oila a’zolariga tahririyat nomidan hamdardlik bildiramiz.
