O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi Vaziri Aziz Abduhakimov Samarqand xalqaro iqlim forumida Vazirlik va uning huzuridagi O‘rmon xo‘jaligi agentligi Jahon banki bilan birgalikda “O‘zbekistonda barqaror landshaftlarni tiklash” loyihasi boshlanganini e’lon qildi.
Bu loyiha Markaziy Osiyoning beshta davlatida o‘rmonlar va degradatsiyaga uchragan yerlarni tiklashga ko‘maklashish bo‘yicha amalga oshiriladigan mintaqaviy dasturning bir qismidir.
Jahon banki bilan hamkorlikda yo‘lga qo‘yilayotgan loyiha O‘zbekiston o‘rmon xo‘jaligi tizimini 2030 yilgacha rivojlantirish konsepsiyasida belgilangan maqsadlarga erishishga yordam beradi. Bu 10 yillik oxiriga qadar o‘rmonlar maydonini 6,1 million gektarga yetkazish masalalarini ham o‘z ichiga oladi. Loyiha yerlari degradatsiyaga uchragan yerlarga but va daraxtlar ekish orqali mahalliy landshaftlarning barqarorligini va oziq-ovqat tizimlarining unumdorligini oshiradi, shuningdek, aholi turmush sharoitini yaxshilash, infratuzilmani rivojlantirish va ish o‘rinlari yaratishga xizmat qiladi. Bundan tashqari, loyiha tabiiy resurslardan yanada samarali foydalanish orqali kichik va o‘rta biznesni qo‘llab-quvvatlaydi va muhofaza etiladigan tabiiy hududlarda ekoturizmni rivojlantirishga xizmat qiladi.
Loyiha mamlakatning turli hududlarida landshaftlar barqarorligini ta’minlash va o‘rmonlarni qayta tiklash, shuningdek, O‘zbekiston va Markaziy Osiyoning boshqa davlatlari o‘rtasida transchegaraviy tabiiy hududlarni tiklash bo‘yicha hamkorlikni mustahkamlaydi. Loyiha tadbirlari mamlakatimizning 6 ta hududi — Jizzax, Qashqadaryo, Namangan, Samarqand, Surxondaryo va Sirdaryo viloyatlarida amalga oshiriladi.
Shuningdek, Darakchi.uz muxbiri millionlar sarflanayotgan ushbu loyiha natijalari daraxtlarning ekilganidan so‘ng taqdiri nima bo‘lishi ularni parvarishlashiga qaysi tashkilot ma’sul ekanligi haqida savol bilan vazirga yuzlandi.
Unga ko‘ra, ushbu mablag‘lar nafaqat ekish parvarishlar uchun ishlatiladi, balki Ekologiya vazirligi huzuridagi O‘rmon xo‘jaligi agentligi daraxtlarni ekish va parvarishlashga mas’uldir.
