“Moskva onlayn”ning yozishicha, Moskva viloyatining Shyolkovo shahrida 49 yoshli kar-sokov erkakni urib o‘ldirgan 26 yoshli O‘zbekiston fuqarosiga sud tomonidan 1 yillik shartli qamoq jazosi tayinlandi. Jinoyat izlarini yashirishda yordam bergan ikkinchi migrant esa Rossiyadan deportatsiya qilindi.
Fojia 20 iyul kuni sodir bo‘lgan. Metall qidirayotgan ikki migrantga marhum imo-ishora bilan asossiz harakat qilmaslikni aytgan. Ammo ular buni haqorat deb qabul qilgan va o‘zbekistonliklardan biri erkakni bir necha bor kaltaklagan. Jabrlanganviq yiqilib, boshidan olgan og‘ir jarohatlar tufayli voqea joyida halok bo‘lgan.
Hodisadan so‘ng ikki erkak jasadni chetroqqa sudrab, izlarni yashirishga uringan, ammo tez orada ular qo‘lga olingan. Dastlab tergov aybni “qasddan og‘ir tan jarohati yetkazish” sifatida baholagan, ammo keyinchalik ayblov “ehtiyotsizlik ortidan o‘limga sabab bo‘lish” moddasiga yengillashtirilgan. Shu bois sud hukmi ham ancha yumshoq chiqdi.
Marhumning qarindoshlari hukmni keskin tanqid qilib, tergov voqea tafsilotlarini to‘liq o‘rganmaganini va aybdorlarga nisbatan yengil munosabatda bo‘lganini ta’kidlamoqda.
