Malika Diananing oqshom libosi auksionda 45 ming dollarga sotildi, deb xabar berdi “Gazeta.ru” nashri.
Savdo auksioni Londonda bo`lib o`tdi.
Bruce Oldfield brendiga tegishli to`q siyohrang ko`ylakni malika Diana shahzoda Charlz bilan Portugaliyaga qilgan tashrifida kiygan. 1987 yilning 11 fevralida Diana turmush o`rtog`i hamrohligida o`sha paytdagi Portugaliya prezidenti Mariu Suarish bilan bo`lgan rasmiy kechki ovqatlanishga mazkur libosda borgan. Malika yana Spenserlar oilasiga tegishli tojni ham taqqan.
Malika Diana 1997 yilda avtohalokatda halok bo`lgan. Uning liboslari doimo omma e`tiborida bo`lgan. Uning vafotidan keyin barcha liboslari ekspozisiyalarga qo`yilib, auksionlarda sotilgan.
