Ijtimoiy tarmoqlarda maktab direktori o‘quvchilarni barchani oldida kaltaklaganligi aks etgan videoyozuv tarqalgan edi. Mazkur holat yuzasidan Bolalar ombudsmani munosabat bildirdi.
Aniqlanishicha, joriy yilning 25-fevral kuni Navoiy viloyati Xatirchi tumanidagi maktab direktori 10-sinf o‘quvchilari N.T, A.A larni go‘yoki tartibga chaqirish vaji bilan kaltaklab, o‘quvchilar tanasining turli qismlarini mushtlab, oyoqlari bilan tepib do‘pposlagan.
“Hozirda holat yuzasidan tergovga qadar tekshiruv harakatlari olib borilmoqda”,—deyiladi xabarda.
Shuningdek, o‘quvchilarga yetkazilgan tan jarohati bo‘yicha sudga oid tibbiy ekspertiza tayinlangani qo‘shimcha qilingan.
