Eron Isroil razvedka xizmatini — “Mossad”ni — foydasiga josuslik qilganlikda ayblangan fuqaro Ismoil Fikriyga nisbatan o‘lim jazosini ijro etdi. Bu haqda Eron ommaviy axborot vositalari xabar berdi.
Ma’lumotlarga ko‘ra, Fikriy “Mossad” agentlari bilan aloqa o‘rnatgan va ularga davlat sirlari bo‘lgan maxfiy ma’lumotlarni yetkazib bergan. U 2024 yil dekabr oyida qo‘lga olingan va bugun ertalab qatl etilgan.
Ta’kidlanishicha, bu holat — so‘nggi haftalarda Isroil foydasiga josuslik aybi bilan Eronda uchinchi marta o‘lim jazosining ijro etilishi hisoblanadi. Yana ikki kishi ham xuddi shunday ayblovlar bilan hukm qilingan va qatl etilgan.
