AQSH prezidenti Donald Tramp mamlakat harbiylari Erondagi uchta yadroviy obyekt — Fordo, Natanz va Isfahonga havo hujumi uyushtirganini aytdi.
"O‘q-dorilarning to‘liq to‘plami asosiy hudud— Fordoga tashlandi. Biz Eronning uchta yadroviy obyektiga juda muvaffaqiyatli zarbalar berishni yakunladik. Shonli amerikalik jangchilarimizni tabriklaymiz. Dunyoda buni uddalay oladigan boshqa harbiy yo‘q", — deb yozdi Tramp Truth Social ijtimoiy tarmog‘ida.
Shuningdek, u AQSH samolyotlari Eron havo hududini allaqachon tark etgani va bazalariga qaytayotganini ta’kidladi. "Endi tinchlik vaqti", deya qo‘shimcha qildi u.
Eron endi urushni tugatishga rozi bo‘lishi kerak, deydi Tramp.
