“Amazon” asoschisi Jeff Bezos va jurnalist Loren Sanchesning Venetsiyada bo‘lib o‘tishi rejalashtirilgan to‘y marosimi mahalliy aholi noroziligiga sabab bo‘ldi.
Marosim 26–28 iyun kunlari San-Jorjo-Majore orolida o‘tkazilishi rejalashtirilgan. Biroq kuchayib borayotgan noroziliklar sababli asosiy qabul marosimi shaharning kamroq sayyoh tashrif buyuradigan Arsenal hududiga ko‘chirildi.
“No Space for Bezos” — ya’ni “Bezos uchun bu yerda joy yo‘q” nomi ostida birlashgan bir nechta mahalliy tashkilotlar amerikalik milliarderning shaharga kirib kelishini keskin tanqid qilmoqda. Ularning fikricha, to‘y bahonasida shaharda “VIP-bosqin” yuz bergan.
