G‘arb yulduzlari orasida ommalashgan, lekin juda xavfli bo‘lgan ozish uchun mo‘ljallangan ukollarni oddiy va foydali mahsulotlar bilan almashtirish mumkin. Bu haqda Dubaylik diyetolog shifokor Mariya AbiXanna Daily Mail nashriga ma’lum qildi. Uning ta’kidlashicha, bunday ta’sirga avokado kabi mahsulotlar ega.
Shifokorning so‘zlariga ko‘ra, mazkur dori GLP-1 gormoni (ovqatdan keyin ichakda ishlab chiqiladigan gormon) ta’sirini taqlid qiladi. Bu gormon miyaga ta’sir qilib, insonda to‘yinganlik hissini paydo qiladi. Biroq preparat qator xavfli noxush ta’sirlarga ega: yengil holatlarda — ko‘ngil aynishi, qusish, ich qotishi yoki aksincha — ich ketishi kuzatilishi mumkin.
Diyetolog ta’kidlashicha, «sog‘lom» yog‘lar ham bunday samara berishi mumkin, lekin ular butun organizmga zarar qilmaydi. Masalan, ovqatlanish tartibiga avokado bilan bir qatorda yong‘oq moyi yoki yog‘li baliqlarni qo‘shish mumkin. Uning ta’kidlashicha, har qancha odamlar ratsiondagi yog‘lar bilan kurashishsa-da, ular ozish uchun juda muhim.
“Bu yog‘lar organizmga muhim mineral va vitaminlarni, xususan, D vitaminini singdirishga yordam beradi, shuningdek, yurak xastaliklari xavfini kamaytiradi. Bundan tashqari, oqsillar, ayniqsa tuxum, grek yogurti va edamame lobiyasi insonni uzoq vaqt to‘yingan his qilishga yordam beradi va ovqatga bo‘lgan xohishni oldini oladi”, — dedi u.
Shuningdek, shifokor ta’kidlashicha, kundalik ovqatlanishda kletchatka ham muhim ahamiyatga ega. Masalan, chia urug‘i, nask (chechevitsa) va bug‘doy hazm tizimi faoliyatini yaxshilash va uzoq to‘yinganlik hissini ta’minlashga yordam beradi.
“Qisqa muddatli uglevodlar emas, balki uzoq muddatli energiya manbai haqida o‘ylang”, — deb maslahat beradi diyetolog.
