Toshkent viloyatida uy va do‘kon alanga ichida qoldi

Yong‘inni o‘chirish uchun 5 ta yong‘in-qutqaruv ekipajlari jalb etilgan.

Bugun, 23 iyul kuni Toshkent viloyati Qibray tumanida joylashgan yashash uyi va qurilish mollari do‘konida yong‘in sodir bo‘ldi. Bu haqda Favqulodda vaziyatlar vazirligi ma’lum qildi.

Qayd etilishicha, holat soat 10:50 da "G‘.G‘ulom" MFY, "A.Navoiy" ko‘chasida joylashgan yashash uyi va qurilish mollari do‘konida yuz bergan.

Yong‘inni o‘chirish uchun 5 ta yong‘in-qutqaruv ekipajlari soat 10:57 da voqea joyiga borib, 11:17 da o‘rab olingan va yong‘in soat 11:50 da to‘liq o‘chirilgan.

“Yong‘in ortidan tan jarohati olganlar to‘g‘risida murojaat kelib tushmagan.Hozirda yong‘in sababi va zarari aniqlanmoqda”, — deyiladi xabarda.

Eslatib o‘tamiz, avvalroq Toshkentdagi omborxonada yirik yong‘in sodir bo‘lgandi. Yong‘in 3 soat davom etib, so‘ng bartaraf etilgan.

Boshqa yangiliklar

Jamiyat Bugun 15:20

25 ta tarixiy obida maketi Islom sivilizatsiyasi markaziga sovg‘a qilindi

Ayni vaqtda markaz binosida qurilish va pardoz ishlari deyarli yakunlangan bo‘lib, ekspozitsiya va kontent bilan to‘ldirish ishlari qizg‘in davom etmoqda.