1979 yil 11 avgust kuni O‘zbekiston futbol tarixida eng qora sahifalardan biri yozildi. O‘sha kuni O‘zbekiston faxri, millionlab muxlislarning sevimli jamoasi – "Paxtakor" klubi futbolchilari Oliy Liga uchrashuviga yo‘l olgan edi. Ammo Minsk shahriga ketayotgan yo‘lda, Dnepropetrovsk osmonida dahshatli fojea yuz berdi. Ikki samolyot havoda to‘qnashdi. Natijada bortdagi barcha 178 kishi, jumladan, "Paxtakor"ning 17 nafar futbolchisi va murabbiylar shtabi halok bo‘ldi.
Halok bo‘lganlar orasida jamoa sardori Ravil Agishev, tajribali himoyachi Boris Timofeyev, yosh iste’dod Vladimir Fedorov, darvozabon Aleksandr Korotkov kabi futbolchilar bor edi. Ularning barchasi o‘zbek futboli tarixida oltin harflar bilan yozilgan nomlar bo‘lib qoladi.
Rossiyalik jurnalist Igor Rabiner mart oyida Eldor Shomurodov va Ravshan Ermatov bilan tashkil qilgan intervyusida "Paxtakor-79" haqidagi yangi ma’lumotlarni aytib o‘tdi.
O‘zbek futbol vakillaridan kim bilan gaplashsangiz, suhbat 1979 yilga borib taqaladi. U 1949 yilda "Torino", 1958 yilda "Manchester Yunayted", 2016 yilda "Shapekoense" futbol klublari bilan ro‘y bergan katta fojealaelr qatoriga kiradi. "Paxtakor-79" ham, Yaroslavning "Lokomativ" xokkey klubi ham Minsk shahriga yetib boraolmagan.
Botkin nomidagi Toshkent qabristoning kirish qismida yodgorlik bor. Markazda to‘pga intilayotgan darvozabon, uning atrofidagi halqada "Paxtakor-79" futbolchilaring ismlari keltirilgan.
“Paxtakor-79” fojeasida Toshkent–Minsk yo‘nalishida uchayotgan Tu-134 samolyoti Dnepropetrovsk (hozirgi Dnipro) yaqinida Chelyabinsk–Kishinyov yo‘nalishidagi boshqa Tu-134 bilan to‘qnashgan.
“Paxtakor” futbolchilarini olib ketayotgan samolyot – Aeroflot Tu-134A, reys 7880. Ikkinchi samolyot – Aeroflot Tu-134AK, reys 7628. To‘qnashuv balandligi – taxminan 8 400 metr.
Rasmiy tergov natijalariga ko‘ra, hodisa dispetcherlik xatosi tufayli yuz bergan. O‘sha kuni navbatchi bo‘lgan yosh va tajribasiz dispetcher Nikolay Zhukovskiy noto‘g‘ri balandlik buyruqlarini bergan, natijada ikkala samolyot bir balandlikda qarama-qarshi yo‘nalishda uchib qolgan.
Dispetcherning ishini yengillashtiruvchi omillar sifatida quyidagilar qayd etilgan:
Hududdagi radioaloqa nosozliklar tufayli uzilib-uzilib ishlagan. Kuchli bulutlar sabab uchuvchilar bir-birini ko‘ra olmagan.
Tergovdan so‘ng dispetcher Zhukovskiy jinoyat javobgarligiga tortilib, bir necha yilga qamalgan.
