Indoneziyaning markaziy Sulavesi provinsiyasida 17 avgust kuni 6 magnitudali kuchli zilzila sodir bo‘ldi, tabiiy ofat tufayli kamida 29 kishi jarohatlandi. Bu haqda The Independent xabar berdi.
Ma’lum bo‘lishicha, zilzila epitsentri 1 kilometr chuqurlikda joylashgani sababli zarba kuchli bo‘lgan. Ikki kishi og‘ir ahvolda bo‘lib, kasalxonaga yotqizilgan. Sulavesi provinsiyasidagi bir cherkov vayron bo‘lgan, yana bir cherkovning ta’mirlanayotgan qismi qulab tushib, bir necha odamni bosib qolgan.
Poso shahridan olingan videolarda zilzila chog‘ida cherkov jamoasi ibodat qilayotgan paytda silkinyish boshlanganini, odamlar vahimada chiqib ketishga urinayotgani aks etgan.
